मराठी माती माझ्या मराठी मातीचा, टिळा ललाटी लावतो | सह्याद्रिचा माझा राजा, अभिमानाने डोलतो || 1 || माझ्या मराठी भाषेचा, लई न्यारा हो सुवास | भीमा,गोदेचा पाट, वाहि अमृताची रास || 2 || पंढरीत विटेवरी देव, पांडुरंग रुक्मिणी | तुळजापुरात बसली, आई जगदंबा भवानी || 3 || वेरुळ अजिंठ्या लेण्यात, मराठी चित्रात नांदते | ज्ञानोबाच्या ओव्यातुन, मळा भक्तीचा फुलविते || 4 || माझ्या शिवबाची तलवार, तुकयाची अभंगगाथा | मुजरा मानाचा करुन, चरणी टेकवितो माथा || 5 || माझी मराठी माणसं, किती शेतात राबती | घण कष्टाचे सोसुन, मळा सुंदर फुलविती || 6 || म मराठीची पताका, करी खांद्यावर घेऊ | उंच निळ्या आभाळात, मोकळ्या गळ्याने गाऊ ||7|| माझ्या मराठीची गोडी, आहे अमृताहूनी न्यारी | दिंडी, पताका घेऊन, करु साहित्याची वारी || 8|| श्री गिरी श्यामसुरेश गुमानगिरी माध्यमिक शिक्षक लातूर 9923060128