दूपारची नीरव शांतता..
आम्रवृक्षावर एक रावा अगदी निवांत निद्रा घेतोय...
त्याचे ते काळसर मण्यांचे डोळे..
अगदी स्पष्ट दिसतात उघड झाप करताना अगदी सावधपणे..
हळुच वा-याची झुळुक येते
मग तो पाने सळसळ करतात
मध्येच एखाद्या पाखराच्या
पंखाचा फडफडाट अथवा
दुरुन येतेय रानपक्ष्याचे घुमणे
अगदी थोडा वेळ तो घेतोय सावधपणे विश्रांती
निसर्गाच्या सान्निध्यात..
पंधरा मिनिटानंतर तो सावध होतो
मग उडी मारुन दुस-यावर फांदीवर येतो साथीदारासोबत थोडा आवाज काढत मग वेगाने स्वारी निघुन जाते दुस-या झाडावर
मी झाडाखाली दूपार झालीय म्हणुन पहुडलेला.
मग डोळा कांही लागत नाही.
मग मनाच्या कोप-यात त्या राव्याचे देखणेपण भरत जाते...
कोणत्याही टिप्पण्या नाहीत:
टिप्पणी पोस्ट करा